Skip to content

Omby mahia tsy lelafin’ny namany!

mars 12, 2010

Mahatalanjona ny mahita ireto mannequins milatro amin’ny défilés de mode isan-karazany aseho isaky ny renivohitra malaza eran’izao tontolo izao. Ny hakanto sy ny haraitran’ny akanjo eo ihany, fa ny tena mahavaky vava dia ny ahian’ny mannequins sasany, izay mampi-tsanga-bolo, sy mampanontany tena hoe: izao ve no atao hoe lafatra tokony tahafina?

Amin’ny maha-vehivavy ny tena, dia lasa ny eritreritra mahita taolan-tratra mitrakitraky, taolan-dranjo sy taolan-dohalika mikatrokatroka, tarehy kaoka sy maso lalina… mba marina mafy raha vehivavy, fa toa ireny angatra mandehandeha ireny, mampatsiahy ahy ireo BD famaky fony mbola zaza, KODITRA lol

Dia misy ny miteny hoe, koa tsy natao ho an’ny tsy mpahay azy ny lamôdy avo lenta, tsy ho an’ny daholobe fa ho an’olom-boafidy sy voahosotra mana-katao. « La mode n’est pas démocratique » hoy i Karl Lagerfeld izay, izay anisan’ny ela nihetezana eo amin’ny famoronana. Dia hoy aho hoe, ka izay tiako sy izay mampety ahy ihany io. Ny ahy tsy taolana mikitrana, fa tavy miaro nofo, velona sy miaina ny andavanandroko, izany hoe: miasa, miantsena, mivory, mifanerasera, manala azy sns…Izaho koa karazan’ilay be taim-bava satria tsy hifanatri-tava amin’i Dadabe Karl sy ny vozon’akanjony miakatra, n’oviana n’oviana.

Fa ny tiako ahatongavana dia ity: samy manana ny vahany, sy ny toe-batany ny tsirairay, koa nahoana no fehezina tsy maintsy ho toy izao, na ho toy izao vao hoe tsara? Marina fa amin’ny mahaolombelona ny tena, dia tiana ny mba ho tsara sy eo imason’ny namana sy ny fianakaviana, ary ny mpiara-monina. « Tiako be ny pôzin-dry, sady medy tsara amindry », dia faly aok’izany rehefa mahazo fandokafana, na avy amin’ny fo io na tsia.

Amiko dia tsotra: avy aminao no tokony hiainga ny faniriana, fa tsy avy amin’ny hafa. Ianao tompony no mahafantatra ny vatanao sy ny fomba fiainanao (ary ny tena taonanao, hihihi), koa anao ny safidy, mahaiza mividy, mahaiza mandidy!

Raiso ny tsara sy ny mety ary tandrify, fa tsy hoe micro-short no lamôdy dia lasa zao hampiseho tsatsakoatra sy jabora tahaka ireo mpihira vehivavy diso fantatrareo, miseho amin’ny fahitalavitra. Mihotakotaka atsy mihotakotaka aroa, ampiana cuissardes am-poto-pe  izay tsy dia misy hifandraisany loatra amin’ny hira ventesina, amin’izato andro migaina « sous les tropiques ». Sa izay ve no tandrify?

Izay ary ny androany, fa mandram-pihaona vetivety.

Ikalajejo.

LOTION ANTI-MOUSTIQUE A FAIRE SOI-MEME.

mars 11, 2010

A l’époque des saisons chaudes, on aime bien profiter de l’ombre et de la fraîcheur d’une terrasse ou d’un jardin avec ses amies ou sa famille. Malheureusement, à cette époque, nombreux insectes plus ou moins nuisibles envahissent nos jardins comme nos intérieurs, et pullulent comme jamais. Le moustique est sans aucun doute l’insecte le plus redoutable parmi ces petites bêbêtes qui nous enquiquinent la vie. On a beau utiliser tout une armada de moyens défensifs aussi nocif et dangereux pour la santé que pour l’environnement, rien n’y fait, le moustique reste invincible.

Alors,  comment faire? Pourquoi ne pas essayer les huiles essentielles? On peut facilement s’en procurer n’importe où à Mada, et c’est 100% naturelle, 100% sans danger, 100% efficace.

Ce qu’il vous faut.

75ml d’huile végétale à l’odeur neutre, 5 ml de macérât de vanille obtenue par la macération de gousses dans de l’huile végétale, 20 gouttes d’huile essentielle de pelargonium (perlagonium graveolens), 20 gouttes d’huile essentielle de citronnelle (cymbopogon winterianus), un joli petit flacon-doseur à pompe

Comment préparer la recette.

Il suffit de verser les huiles essentielles dans l’huile végétale et le macérât, et le tour est joué. Remuez un moment pour bien homogénéiser la lotion, et préservez le dans un flacon en verre ou métallique à pompe pour l’usage.

Comment l’utiliser.

Appliquez abondamment la lotion sur les parties exposées aux piqûres : bras, nuques, jambes…Renouvelez l’application au bout de deux heures.

Les bienfaits des huiles essentielles de citronnelle et de pelargonium.

L’huile essentielle de pelargonium est un puissant insectifuge. Le buisson est très peu attaqué par les insectes dans son milieu naturel, et forme un joli massif touffu et fleuri très odoriférant. L’huile essentielle de pelargonium a également une fonction astringente sur la peau  . Quant à l’huile essentielle de citronnelle reconnaissable par son odeur citronnée caractéristique, sa réputation n’est plus à faire. C’est une répulsive pour insectes très efficace, largement utilisée dans les pays tropicaux. L’huile essentielle de citronnelle est également calmante et apaisante pour les piqûres. Elle assure donc en même temps la protection et le soin contre les piqûres de moustique.

Essayez, vous m’en direz des nouvelles!

Ikalajejo.

Tendance mode été 2010.

mars 10, 2010

Araka ny tendances navoitr’ireo mpamorona tamin’ny taon-dasa, ho amin’ity 2010 ity, dia ireto avy no mahafinaritra azo ampiadiana sy ampifanarahana, rata toa te-hanaraka ny toetr’andro ianao izay mafana dia mafana tokoa, no mba hampihiratra ny loko sy ny pitsopitsony hanaovanao.

Ny « silhouette », aloha raha ny été 2010 no tenenina, dia miombo-kevitra ny mpamorona lamôdy sy ny mpanaraka lamôdy, fa ho maivamaivana ary mirindra ny bika raha iny ianao miriaria eny amin’ny arabe any Paris, New York, Londres, ary Tana mazava ho azy! Fohy ny akanjo, na zipo ary assymétrique. Ny short indray dia somary lefy laza,  ny tena vaovao be dia  ny kilaoty ka toa tsy ihety aty amintsika, raha tsy hoe angaha eny amin’ny plage mihintsy! Soloy cycliste na combishort, fa io indray no ady eo!

Manidintsidina ny volant sy ny drapé isankarazany, misy tralala daholo na tanan’akanjo, ka tratra, na zipo, na moro-tongotra. Mihavaka ny valahana amin’ny fatotra noeud atao ambonimbony taille haute, ao koa  fehikibo isan-karazany izayatao kelikely manifinify.

Raha ny loko no asian-dresaka dia ny fotsy, ny beige, ny marron, ny kaki, ny mavokely, sy ireo loko rehetra manakaiky azy, amin’ny tons poudrés na pastel no tena à la page. Eo ihany koa ny maitso na manga na mavo kely mavamavana, tons glacés somary manjelatra irisés.  Ny mena midorehitra no indro kely amin’ny loko izay somary neutre tamin’ity 2010 ity. Raha ny lamba imprimé no tianao, dia azo atao tsara ny mampiady soratra: rayure marinière, izay mbola tsy lany manja hatramin’izao, na motif géométrique hafa tianao, ny tena lafatra indrindra dia ny motif voninkazo somary abstrait sy vaventiventy.Miverina ihany koa ny vichy mavokely à la Brigite Bardot, andramo raha mety aminao.

Ny karazan-damba hanjairana ny akanjo dia ny maivamaivana sy misosasosa, mihetsika manaraka ny vatana, ary ravin-damba glacé sy satiné no ampiasaina. Aza adino  ny dentelle sy ny tulle izay tena lamôdy be mihintsy  hanjairana top na robe style romantique, na raha manendrika anao, style lingerie.

Ny kiraro dia azo atao petapetaka misokatra na tsia, na avo, izay tianao fa ny sabots no tena fatratra na must-have été 2010. Mifatotra miakatra eo amin’ny cheville ny ankamaroan’ny kiraro, na avo na iva. Matevitevina ny faladia sy ny voditongotra raha avo ny kiraro. Ho an’ireo fashion victim, dia afaka manampy guêtre na ba kiraro manify, raha te ho ao tsara.

Malaza koa ny randrana, randra-tokana atao mandady na atao toy ny chignon. Ny andro koa mafana rahateo. Asio noeud ny volo, na foulard mifatotra hanome endrika azy, fa tena lamôdy be mihintsy izany amin’ity 2010 ity.

Rehefa tomombana ny rehetra, dia lasa izao, hifankahita eny Ambatonankanga na eny Analakely,  sa ahoana?

Ikalajejo.

Aty ny maso ô!

mars 9, 2010

Miarahaba antsika rehetra,

Aty daholo ny maso ry vehivavy namako, mandàla ny kanto sy mankafy ny meva! Inty blog vaovao amin’ny teny malagasy sy frantsay (indraindray), izarana amintsika, izay mahasoa sy mahafinaritra eo amin’ny haingo, bika, fahasalamana, fiainanana andavanandron-tsika andriambavilanitra malagasy.

Tsy zavatra ratsy na atao ahamenatra ny hajejoana ao amin’ilay oui, hazavaiko kely, ilay ao amin’ny mendrika ny tena na vatana na taona. Ny vehivavy no ravaky ny tontolo bontolo, na ny tokantrano raha izay no tianao, ka omeo anjara ny bika sy ny endrika mba hiavaka amin’ny maro.

Ndao ary, dia mazotoa manaraka.

Ikalajejo.